كانت طفله
الفصل الاول
في يوم من الايام ولدت طفله جميله
كانت لديها عائله كانت هي البنت الصغري اخر العنقود
الاب : ماشاء الله بنتي زي القمر
الام : حمد لله رزقنا بالثانيه
الاب: حمد لله ع سلامتك يا اميرتي معلهش تعبتك قوي اخر العنقود
الام : الله يسلمك يا حبيبي ويخليك لينا يارب
في المنزل
الجده : الو يا حبيبي مراتك وضعت
الاب : ايوا يا ماما جبتلنا احلي بنوته
الجده : بنت تاني مش كفايه وحده
الاب: حمد لله يا امي دول جنتي ع الارض
الجده : جنه ايه دول بنات والي مخلف البنات عايل الهم للمات
الاب: استغفر الله العظيم يا امي دول رزق من ربنا
الام : طيب يا ابني سلام
عيني عليك يا ابني كان نفسي ولادك يبقي كلهم رجاله بس الست هانم جابتلك بنت برضوا
بدل ما يبقوا 4 رجاله جابت فيهم بنتين
في الغرفه الاخري
بيلعب الاطفال ** معاذ ومالك ومنه**
معاذ اكبرهم عنده 10 سنين
ومنه عندها 8 سنين
ومالك 6 سنين
معاذ:: يا منه ماما وضعت سمعت بابا بيقول لتيته
منه : بجد انا فرحانه اوي أخيرا جت اختي العب معاها انا نفسي اشوفها اوي
مالك : ماما جابتلي بنت عسل صغيره انا بحبها اوي اوي
معاذ ومنه : واحنا كمان بنحبها اوي
معاذ : كفايه لعب بقا تعالوا نطلع لتيته قاعده لوحدها وزعلانه
طلعوا من الاوضه
الجده: فيه حاجه يا ولاد
معاذ : لا يا تيته جينا نقعد معاكي شويه
منه : زهقنا من اللعب يا تيته هنقعد سوا
مالك : تيته ممكن اقعد ع رجلك وتحكيلنا حدودته زي الاول انا بحب حوديتك جدا
معاذ ومنه :: ياريت يا تيته احكيلنا حدوته
الجده: حاضر يا ولاد بس قومي يا منه هاتيلي كبايه ميه
منه : حاضر يا تيته
الجده : يلا اتحركي مش كفايه بنت وحده امك رايحه تجبلنا التانيه
منه مشيت ودموعها ع خدها
معاذ : بعد اذنك يا تيته هجيب حاجه من المطبخ
الجده : لا خليك يا حبيبي انت راجل متعملش حاجه خلي منه تجبلك هي بنت ولازم تخدمكم امال بتعمل ايه هي
معاذ : لا طبعا يا تيته لازم اعتمد ع نفسي واجيب حاجتي لنفسي منه اختي وتاج ع راسي مينفعش أن هي تخدمني وانا قاعد
مالك: صح يا معاذ ماما وبابا قالوا كلنا زي بعض وكل واحد يخدم نفسه بنفسه
الجده: طيب يا ولدي انت وهو انا هعرف اكلمكم ما انتوا زي امكم غلبويين
معاذ : شكرا يا تيته بعد اذنك
معاذ راح المطبخ لقي منه زعلانه وبتعيط من كلام جدتها
معاذ: مالك يا منه انتي زعلتي حقك عليا انا متزعليش وباس ع دماغها
منه: ربنا يخليك ليا يااحلي اخ في الدنيا
معاذ: طيب يلا هاتي الميه انا هطلعها لتيته
في المستشفي
دخل الدكتور ع محمود ومراته ايناس
السلام عليكم
عامله ايه يا مدام ايناس حمد لله ع سلامتك
ايناس: الله يسلمك يا دكتور فين بنتي انتوا اخدتوها ليه
الدكتور: مفيش حاجه يا مدام بس شويه فحوصات
عشان نطمن ع البنت
بعد اذنك يا استاذ محمود محتاجين شويه بيانات
محمود: ماشي يا دكتور
طلعوا بره الاوضه
محمود : خير يا دكتور بيانات ايه مش كملنا كل الورق
الدكتور: ايوا يا استاذ محمود بس انا عاوزك في حاجه تاني
محمود: خير يا دكتور
الدكتور: بنتك تعبانه شويه وهتحتاج رعايه خاصه ولازم تقعد معانا في المستشفي شويه
وكمان حضرتك عارف ان المدام نزفت كتير واطرينا نشيل الرحم
محمود: طبعا يا دكتور عارف عشان كدا البنت غاليه جدا عندنا
خير هي فيها ايه
الدكتور: بنت حضرتك عندها عيب خلقي في القلب ولازم تفضل تحت الملاحظه هو حاجه بسيطه يعني ثقب صغير هيقفل مع الوقت بس لازم رعايه خاصه
محمود في حاله زهول مش عارف يعمل ايه
............... للحديث بقيه
تعليقات
إرسال تعليق