كانت طفله الفصل الثاني
في المستشفي
الاب: حمد لله ع كل حال يا دكتور
لكن رجاء منك يا دكتور ياريت محدش يقول لامها لأنها طالعه من عمليه كبيره
الدكتور : طبعا طبعا يا استاذ محمود مدام إيناس مينفعش تعرف دلوقت اي حاجه عن حاله الطفله
اتفقنا يا استاذ محمود وانا هقول لطقم التمريض محدش يبلغها وبإذن الله تتعافي ع خير هي والبنت كمان
في غرفه إيناس
ايناس: اه تعبانه جدا يا محمود
محمود: معلهش يا حبيبتي انتي عارفه ان العمليه كبيره
إيناس : انا عارفه يا محمود وعارفه أن الدكاتره قالوا خطر لو حصل حمل بعد ولاده مالك و احنا اخدنا كل الاحتياطات عشان الحمل ده ميحصلش لكن اراده ربنا فوق كل شئ
الدكتور قبل الولاده قالي الرحم فيه تهتك جامد وكمان ورم ليفي لكن حمد لله وضعت ع خير ايوا الدكاتره كان لازم يشيلوا الرحم وبالفعل الدكتور شال الرحم بس حمد لله ع كل حال اولادنا بالدنيا
والده إيناس : حمد لله ع سلامتك يا بنتي كنت هموت من القلق عليكي حمد لله انك بخير
ايناس : الله يسلمك يا امي ربنا نجاني ببركه دعاكي ليا يا حبيبتي ربنا يخليكي ليا يا رب
محمود : ربنا يخليكي لينا يا احلي حماتي في الدنيا
غلبناكي اوي معانا من امبارح وانتي مسبتيش ايناس خالص
والده ايناس : دي بنتي يا محمود وانت زي ابني انت عارف اني مخلفتش غير إيناس وابوها توفي وانا ربيتها وكنت ليها ام واب
دي بنت عمرى وصحبتي وحبيبتي وكل حاجه ليا في الدنيا
إيناس: بعشقك يا روح قلبي ربنا يخليكي ليا
والدتها ايناس قامت وباست ع رأسها وفضلت تدعيلها
في البيت
معاذ ومنه ومالك بيلعبوا في اوضتهم
دخلت عليهم الجده وهما بيلعبوا قعدت تزعق في منه وتتخانق معاها ع انها بتلعب معاهم يلا انجري ع المطبخ حضري اكل لاخواتك عشان نروح المستشفى
معاذ: بعد اذنك يا تيته مش تزعقي لمنه هي لسه صغيره واحنا كل واحد بيخدم نفسه ماما عملتنا كدا
منه فضلت تعيط
مالك ومعاذ حضنوا منه وقعدوا يسكتوا فيها
الجده طلعت بره الاوضه وهي بتنفخ وتفش من كلام معاذ
معاذ اخد منه وخلها غسلت وشها في الحمام
ومالك دخل المطبخ طلع العيش والجبنه ولانشون وجهزه ع السفره ونده عليهم
اتجمعوا ع السفره وقعدوا يعملوا سندوتشات وعملوا لجدتهم وندهوا عليها تاكل مردتش عليهم
معاذ اخد الطبق ودخلهولها اوضتها بالسندوتشات
الجده : شكرا يا معاذ
معاذ: العفو يا تيته
الجده : خلصوا اكل والبسوا عشان نروح المستشفي
معاذ : حاضر يا تيته
معاذ طلع من غرفه جدته وكان مالك ومنه مستنيينه عشان ياكلوا سوا
قعد معاذ ع السفره وقالهم هناكل ونلم مكان ما اكلنا ونلبس عشان نروح المستشفي
بعد الاكل شالوا الاكل من ع السفره وكل واحد غسل الطبق بتاعه
ودخلوا يلبسوا
الجده لبست وانتظرتهم في الصاله
معاذ لبس جينز اسود وتيشرت نبيتي
ومالك لبس جينز ابيض وقميص أبيض في اسود
منه لبست فستان احمر وبوت اسود
نزلوا من الشقه وركبوا التاكسي وراحوا ع المستشفي
وصلوا المستشفى ودخلوا غرفه إيناس
مالك ومنه ومعاذ جربوا ع امهم وحضنوها وباسوا ابوهم
واول ما شافوا جدتهم والده إيناس جريوا عليها وباسوا ايدها
جدتهم حضنتهم وباست ع راسهم وقعدت تلاعبهم
والده محمود دخلت الاوضه وهي مديقه وباين ع وشها الزعل واول ما شافت ايناس كشرت في وشها
إيناس : نورتي الدنيا يا طنط
والده محمود : كفايه نورك يا هانم
فين الست هانم التانيه الي جبتهالنا حد قالك اني عاوزة بنات تاني مش كفايه مقصوفه الرقبه الكبيره رايحه تجبيلنا وحده تاني
ايناس دورت العياط من كلام حماتها
محمود: قالها دول نعمه يا امي دول المؤنسات الغاليات
وحضن ايناس وباس ع راسها وقالها دول جنتنا ورزق البنات واسع وهتشوفي ربنا هيكرمنا ويىزقنا ازاي
إيناس بطلت عياط ومحمود قعد يغازلها
محمود: يا لهوي ايه دي يا ايناس
ايناس: فيه ايه يا محمود
محمود: هو فيه قمر بيطلع بالنهار
ايناس: خضيتني يا محمود ووشها احمر
محمود: يا لهوي ع الخدود القمر دي لما تتكسف متجوز قمر واللهي بموت فيكي
والده ايناس قعدت تدعيلهم
ووالده محمود قاعده مدايقه
فجاه دخلت الممرضه وهي شايله البنت
مدام ايناس الدكتور بيقول لحضرتك اتفضلي رضعيها عشان تتعود ع الرضاعه الطبيعيه لانها افيد واحسن ليها
ايناس شالت البيت وبدات ترضعها وفجاه .............
تعليقات
إرسال تعليق